يا زين الإجازة، نوم متأخر، فطور الساعة ٢ الظهر، وطلعات عشوائية مع الأصحاب. بس خلني أسألك بصراحة…
هل فكرت تخصص ساعة بس من يومك تتعلم فيها شي جديد؟ ولا حاط في بالك إن “الإجازة للراحة وبس”؟
شوف، ما أقول لك اقلبها دراسة ومذاكرة وكرف… لا طبعًا!
بس خل نكون صريحين: الوقت اللي نضيعه على الجوال والتيك توك والسناب، لو خذينا منه بس ساعة في اليوم، كان تعلمنا لغة جديدة، ولا مهارة تفيدنا بعدين، ولا حتى قرينا كتاب يوسّع المدارك.
طيب ليش أتعلم وأنا في الإجازة؟
- لأن الإجازة وقتك فيه ملكك، ما عندك ضغط واجبات ولا دوام.
- لأن التطوير ما له وقت معين، والمخ يحب التحدي مهما كان الجو حواليه.
- لأنك لما تبدأ بدري، راح ترجع للروتين أقوى من غيرك، وعلى قولتهم: “اللي يبدأ بدري، يوصل بدري.
وش أقدر أتعلم؟
- تبغى شي خفيف؟ تعلم كتابة سريعة على الكيبورد.
- تبغى تحس إنك مفيد؟ خذ دورة إسعافات أولية.
- تبغى تطوّر نفسك؟ اقرأ عن الذكاء العاطفي أو كيف تدير وقتك.
- حتى لو تبغى تسلي نفسك، تعلم تصميم، فوتوشوب، أو مونتاج فيديوهاتك.
خلاصة الكلام:
خلي الإجازة وقت للراحة، بس لا تنسى مخك… علّمه، درّبه، وسو له upgrade.
الإجازة راح تخلص، بس اللي تعلمته فيها، ممكن يفتح لك أبواب كثيرة قدام
تصميم: في جبران