النوم يا جماعة هو السوبر باور اللي كلنا نحتاجه في حياتنا اليومية، لكن للأسف البعض منا يعامله كأنه شي ثانوي. نخلي السهر عادي، ونحاول نكمل يومنا على ثلاث ساعات نوم وكوبين قهوة. وبعدين نقعد نتساءل ليه مخنا “معلق” وما نقدر نركز. خليني أقول لك، إذا ما نمت كويس، حياتك بتصير فيلم كوميدي بطلته أنت… لكن الجمهور كله يضحك عليك!
ليش النوم مهم؟
أول شي لازم تعرف إن جسمك يشتغل في الخلفية حتى وأنت نايم. يعني في الوقت اللي أنت مغمض عيونك، جسمك قاعد يعيد ترتيب أموره: يصلح العضلات، يرتب الأفكار في المخ، ويجهز لك الطاقة لليوم الجديد. يعني تقدر تقول النوم هو الميكانيكي الخاص بجسمك. تخيل لو سيارتك تتعطل وتروح للميكانيكي، وتقول له: “صلحها لي بس بدون ما تستخدم الأدوات أو تاخذ وقت.” طبيعي ما راح تشتغل السيارة. نفس الشي لجسمك، لازم تعطيه وقت كافي عشان يصلح نفسه.
كيف يؤثر على المزاج؟
إذا ما نمت كويس، طبيعي اليوم الثاني تصحى زي اللي متعكر من كل شي. حتى أصغر المواقف تصير كأنها نهاية العالم. الزحمة في الطريق؟ خلاص، الدنيا خربت! أحد كلمك بطريقة عادية؟ تصير تبغى تتهاوش. وهذا كله لأن مخك ما أخذ الراحة الكافية. الأبحاث تقول إنه الأشخاص اللي ما ينامون كويس يصيرون أكثر عرضة للاكتئاب والتوتر. حتى لو كنت أقوى شخص في العالم، بدون نوم بتصير كائن زعلان ومو قادر يسيطر على مشاعره.
تأثير النوم على صحتك الجسدية
نجي للجسم، وقصص النوم وتأثيره على صحتك الحقيقية. إذا ما تنام كويس، قلبك يعاني. تبدأ ترتفع عندك احتمالية الإصابة بأمراض القلب والضغط العالي. غير كذا، جهازك المناعي يصير ضعيف، يعني لو أحد عطس عليك من بعيد، ممكن تطيح مريض. والنوم كمان يساعدك في حرق الدهون، لأن هرمونات الجوع والشبع تتلخبط إذا كنت تسهر كثير وما تنام كفاية.
إيش الحل؟
الحل بسيط، بس يحتاج التزام. حاول تثبت وقت النوم، وقلل من استخدام الجوالات قبل ما تنام. الكافيين بعد الساعة 5 المساء؟ مرفوض! وبالنسبة للي يحبون يسهرون في الويكند، حاول تلتزم بروتين نوم حتى يوم الإجازة.
كتابة : نوف النهدي ، تصميم : إسراء متولي