في الفترة الأخيرة صرنا نعيش في عالم كل شيء فيه سريع ومفتوح قدامنا بضغطة زر، خصوصًا مع السوشيال ميديا والتكنولوجيا الجوال صار معنا طول الوقت، وأحيانًا بدون ما نحس نقضي ساعات طويلة نتصفح بدون هدف واضح. المشكلة مو في التكنولوجيا نفسها، لكن في الطريقة اللي نستخدمها فيها، لأن بكل بساطة ممكن تكون سبب في تطورنا أو سبب في تشتتنا وضياع وقتنا.
أكيد ما نقدر ننكر إن للسوشيال ميديا جانب مفيد بشكل عام يعني تقدر تتعلم من فيديوهات، تتابع أطباء ومختصين، تشوف حالات سريرية، أو حتى تأخذ دورات أونلاين كل شيء صار متاح وسهل لكن في نفس الوقت، فيه جانب ثاني ممكن يأثر علينا بدون ما نحس، مثل التشتت، قلة التركيز، والمقارنة مع الآخرين اللي أحيانًا تخليك تشك بنفسك أو تحس إنك متأخر مع ذلك "أن تصل متأخرًا خير من أن لا تصل أبداً"
عشان كذا، بداية تركيزك على هذا الوضوع تجي من وضوح الهدف لما يكون عندك هدف واضح، سواء بسيط مثل إنك تخلص شغله صغيرة، أو كبيرة مثل إنك تتميز في تخصصك، راح تلاحظ إنك تبدأ تفرق بين الشيء اللي يفيدك والشيء اللي يضيع وقتك وتصير تلقائيًا تسأل نفسك: اللي قاعد أسويه الآن، هل يقربني لهدفي أو يبعدني ؟
من الأشياء اللي تساعد كثير إنك تحط حدود لاستخدامك للسوشيال ميديا بالبداية مو لازم تقطعها تمامًا، لكن على الأقل تحدد وقت معين تستخدمها فيه يعني بالتدريج ، وتحاول تقلل الإشعارات اللي تقطع تركيزك كل شوي حتى الحسابات اللي تتابعها تفرق، لو كانت مفيدة أو تحفزك بتلاحظ فرق كبير في يومك والعكس صحيح.
وبرضو، تقدر تستفيد من التكنولوجيا بدل ما تستهلكك؛ استخدمها للمذاكرة، لتنظيم وقتك، أو لتطوير نفسك صدقني الفكرة مو إنك تحرم نفسك، الفكرة إنك تستخدمها بوعي يعني لا تفتح أي تطبيق إلا وأنت عارف ليش فتحته.
لو جينا لطلاب التخصصات الصحية، الوضع عندهم أصعب شوي لأن الدراسة تحتاج تركيز عالي ووقت طويل فهنا لازم يكون فيه توازن
يومك ما يكون كله ضغط أو كله تضييع وقت ممكن تبدأ يومك بشيء بسيط زي تحديد مهامك، تذاكر بتركيز، تاخذ فترات راحة ، تحط وقت محدود للجوال ( من نفس إعدادات جوالك فيه ميزة اسمها مدة استخدام الجهاز أو Screen Time، تقدر من خلالها تحدد عدد الساعات اللي تستخدم فيها التطبيقات، وإذا وصلت للحد يقفل التطبيق أو يعطيك تنبيه مثلاً تحدد ساعة وحده باليوم لليوتيوب بعدها يقفل عنك التطبيق)، واكيد لا تنسى تضيف شيء بسيط لنفسك زي مشي أو رياضة خفيفة أو أي هواية تستهويك .
وفي وسط كل هذا، أهم شيء لا تنسى تحافظ على مبادئك لا تقارن نفسك بالناس، كل شخص مختلف عن الاخر له مشواره بالحيياة وظروفه، بالنسبة لك تذكر ليش مثلاً دخلت تخصصك أو فكر بالشيء الي تسعى له ويستاهل انك تضحي بالملهيات كلها عشانه ، وتمسك بالقيم اللي تهمك زي الاجتهاد والانضباط والاحترام وحاول تبعد عن أي شيء يقلل من حماسك ، يضيع وقتك بدون فايدة أو حتى يبعدك عن أهدافك.
في النهاية، التكنولوجيا مو مشكلة
المشكلة كيف نتعامل معها؟
لو عرفت تتحكم فيها، بتكون اضافة قوية تساعدك توصل لأهدافك وتطور من نفسك كثييييير.
ولو خليتها تتحكم فيك، ممكن تضيع وقتك بدون ما تحس وتسرق منك حياتك.
الفرق بسيط، لكنه يصنع نتيجة كبيرة على المدى الطويل🌟
كتابة : امل الحارثي