اعرف ان اول ما طاحت عينك على عنوان المدونة قلت في نفسك "ياخي ماعندي وقت" او حتى حطيتها باقرب اختبار بعد اسبوعين بعذر اوه ودي اذاكر ولا اشغل نفسي.. بس تدري ؟ وهالشيء ممكن يغيب عن ذهنك أن حتى ممارستك للأنشطة اللي تنشط عقلك لها دور كبير في تطوير حتى حفظك و فهمك للمعلومة..ايوا ايوا عدل جلستك وخليك معايا.
في البداية كأي هواية لو مسكنا سلم اشهر ثلاث هوايات عالميًا و قعدنا نفصلها بكل نقطة و نعتبر شروطنا تتمركز حول "كيف تقوي حفظي ؟ فهمي ؟ وحتى استيعابي" وعلى فكره ماهو كلام جرايد لا نصيحة مجرب و مثل ما يقولون أسأل مجرب ولا تسأل طبيب و أنا الاثنين 👻
أولا الكتابة سواءً كانت عبر التدوين اليومي او حتى السرد القصصي، تتيح لك ان تغوص في باطن ذهنك حتى انها تسمح لك بالتعرف على نفسك.. يوه نوف وش هذه الكلام المنمق فهمينا زين، مرات ما تقتنع بموضوع معين بس جرب تكتب عنه و تبدأ تفكر فيه ألا و إلا تلاقي في أفاق أخرى تستنجد بها ( انت مو متناقض انت فهمتها اكثر و استوعبتها ) حتى مرات يقولون لك تواصل مع اقرب صديق لك يكون عاقل و فاهم يرشدك بمشكلة لك وانا اقولك هذا الصديق هو ( الكتابة ).. ترى ادمغتنا شوارع و افكارنا سيارات و مافي لا مرور ولا ساهر و مالك الا ورقة عشان تنظمها و اصلا اكيد و مر عليك فكرة ان المعالج النفسي يطلب من المريض ان يدون كل افكاره طيب سألت نفسك ليه ؟
يطلقون عليه العلاج السلوكي و يعتبر من الطرق الآمنة دون وجود أي مخاطر أو تأثيرات جانبية يعرف فيها ان الافكار هي مصدر تعاسة الإنسان او حتى فرحه و مثل هالاجندة تساعدك في تدوين مهامك و كمان تسجيل اهم اللحظات الحلوة بيومك، بالنسبة لي كل بداية سنة لازم اقتني كتاب يكون مقسم على الشهور و جداول تسهل المهمة بشكل اوضح بس بدأت أنساها و استثقل اشيلها معي في الشنطة، الحل عند متجر ماديجتالز يوفر كتيبات بأشكال و انواع مختلفة pdf تناسب جميع الاهتمامات سواءً المذاكرة / عمل حتى كتيبات لكتابة وصفات الطبخ.. ينفتح على اكثر من تطبيق مثل الملاحظات وغيرها من التطبيقات اللي تدعم خاصية الكتابة.
شيك على متجر ماديجتالز للاجندة الرقمية اضغط هنا
ثانيًا
الرياضات بشته انواعها حتى اليوقا اللي البعض يشوفها فضااااااوة هذه فيها استرخاء رهيب و تبعد التوتر جرب قبل كل موضوع متوتر منه او حتى اختبار ان تاخذ 10دقايق وتغمض عيونك و ما تفكر بشي ( مو تفكر بشيء ينكد عليك و يقلب المواجع و تحكم ) لا لا تأكد انك في اعلى استرخائك.. تدري أن قراءة مقاله شهيرة ان محاولتك في اخذ 10 د في صفاء الذهن يساعد في نسبة التركيز اضعاف مضاعفه يالله الحين أبدا ..
و بكذا خلصنا اول أثنين و الثالثة منفصلة في تدوينة لاحقًة، ولأني عارفة المعلومات دسمة و تحتاج تذاكرها و تراجع تكنيكتها.. ولانك مهم عندي، انتظرك الاسبوع الجاي
كتابة: نوف النهدي تصميم: اسراء متولي