بعد الإجازات عادةً تجي طاقة رهيبة، تطلب مننا ندرس و نسوي خطط كثير .. اذا كنت من النوع اللي يحط خطة محكمة في الاجازة سواء خلال الفصل الدراسي او بين الفصلين او حتى بالويكند و يسحب عليها .. فكمل قراءة المدونة
افضل نموذج للإجازات القصيرة هو نموذج الرياضيين ، كنت أتساءل ليش كريستيانو وميسي والاندية الكبيرة عموماً وقت الاجازات ما يتمرنوا بالكورة بتاتًا ، لمن بحثت في الموضوع لقيت في شيء اسمه الراحة السلبية، يعني 0% مجهود بدني.
يترتب عليه أن مع بداية الموسم الرياضي = الدراسة الشخص يبذل اقصى ما عنده / لياقته .. بعدها يحتاج الى وقت يريح فيه من كل شيء أحيانا الحماس الزايد ، وجملة أبغى أخلص كل شي كأنك سوبر مان و ناوي تنقذ نفسك من المتراكم وتلاحظ انك حتى ما سويت شيء!
الاجازات تقدر تسوي فيها فعاليات مالها علاقة بالطب ولكن تنمي مهاراتك ، تقدر تشوف نوادي التوستماستر ، وعندنا نادي "لِسن" باللغة العربية وينمي مهارة الالقاء قدام الجمهور. ممكن تتطوع بأي جهة حتى لو مو طبية ، ممكن تبني من خلال هذه التطوعات علاقات تفيدك في المستقبل وممكن تبني مهارة جديدة عندك ماكنت تعرف عنها شيء.
ولكن ..
الهدف الاساسي من الاجازة هو الراحة ثم الراحة ثم الراحة .. اي شيء اضافي مهم يكون توقيته مناسب .. كيف يعني؟
تقدر تقسم اجازتك في الصيف لـ راحة بعد الدراسة.. اي نشاط او مشاركة بحثية الاجازات القصيرة مفروض تكون راحة بس عشان ما ترتاح وقت الدراسة و تشحن بطاريتك
عن نفسي اي اجازة قصيرة كنت انبسط فيها بدون ما أحس ب 1٪ ذنب اني ما درست ، عشان وقت الدراسة انجز ويكون في مسؤولية بعيد عن كل المشتتات
أعرف ان البعض ممكن يكون ترمين.. وحاسس نفسه ما عمل شيء يذكر خلال الاسبوع الماضي، وتجمعت حوله الأفكار ( انت وش سويت / وغيرها من لوم الذات ) بس تذكر أنها راحت، ومثل ما يقولون الطيور طارت بأرزاقها ركز بالجاي وفالك أعلى درجات..
كتابة: فيصل الشبراوي تحرير: نوف النهدي تصميم: اسراء متولي