لو كذا !
طيب كيف نتميز تعال معي شوي🧐
خذ النقاط الأساسية المهمة للامتياز في تخصصك، و اللي تغنيك عن معدلك !
١- الابحاث الابحاث الابحاث ..كيف اسوي الابحاث ؟ الحين التعليم منتشر في كل مكان دورات بتويتر ، تتكلم مع ناس اكبر منك يعلمونك و تستفيد ، منصات على الانترنت. اتذكر اني نشبت لدكاتره في الجامعه حتى ما علموني وماشيه الان ببحث قبل سنه التخرج .
ومن ضمن المنصات اللي تعلم الابحاث
قناة تشرح الابحاث وابرز المجلات المعتمده يعني مافي شى صعب عليك باذن الله .
٢-الدورات .. الدورات اللي عليها ساعات في الهيئة ويا كثر الحسابات اللي تنشر دورات صحية فيه مجانية و مع شهاده حضور و فيه بفلوس لكنها مهمة و مفيدة واهم دوره BLS ( الاسعافات الاولية الرخصة ) ولطالما عائلتكم تحبكم مضبطينكم بعرض خارق في الموقع على ٨٠٪ على الدورات 😋
٣- التطوعات ..كيف اتطوع من وين ؟ الحين فيه منصة اسمها الهلال الاحمر متأهب موجوده فيها تطوعات بكل مناطق المملكة وعليها شهادات ، ايضا فيه منصه التطوع الصحي نفس متأهب ، طيب احسن وقت نتطوع فيه؟ بعض الناس تجيهم حاله يتطوعون قبل الفاينل بيومين 😂 ،ماهو غلط لكن الافضل تهتم بالمعدل لان التطوع تقدر تتطوع بأي زمن و مكان لكن المعدل مجرد انتهاء الترم ما تقدر ترجع
٤- ماجستير .. يا بنتي خلينا نخلص البكالوريوس بالاول 😔!
كل ما درستوا شيء جديد و زاد إدراككم اتجاه امر معين ألا و إلا حيكون له اثر سامي اتجاه وظيفتكم.
٥- خلوكم مع الناس اللي تحب تنشر الفايدة اسالوهم في تخصصكم استمتعوا معهم خلوكم لزقه 🤓
٦- اختبار الهيئة الاجتياز
بمعنى تجيب درجات عالية باختبار الهيئة عشان المفاضلة
كل ما اشتغلت على نفسك اكثر كل ما تميزت، الخلطة في الخطوة الأولى انطلق 🥇
كتابة : تويتر تحرير : نوف النهدي تصميم : اسراء متولي