من ناحية الإجابة انقسموا طلاب الطب لقسمين
القسم الاول : والله البيسك احلى
القسم الثاني : طبعًا الكلينكل احلى
مدونة اليوم راح تكون عن تجربتي في المرحلتين لجامعة ( الإمام محمد بن سعود الاسلامية ) و طبعًا ما ننسى ان كل جامعة لها منهجها وتوزيعها للمواد ولكن حابه اوضح باذن الله الفروقات العامة بين المرحلتين
اولاً :خلينا نشوف سنوات البيسك والكلينكل من حيث المواد
البيسك :
(سنة اولى )اغلبها تأسيسية بحتة بحيث تتكلم عن الاساسيات لجسم الانسان والمصطلحات الطبية والكائنات المسببة للأمراض زي البكتيريا و الفايروس
(سنة ثاني وثالث) : عبارة عن بلوكات لأجهزة الجسم وكل جهاز له الامراض الخاصة فيه زي ما ما كلنا نعرف مثل الكلية وأمراضها و القلب و إلى آخره.
الكلينكل :
( سنة رابع وخامس )عبارة عن تخصصات وكل تخصص عبارة عن كورس لحاله ، بمعنى : طب الاطفال ، طب باطنة ، طب عظام ، طب نساء وولادة وغيره من التخصصات
ثانيًا نجي للدراسة والوقت :
البيسك :
من وجهة نظري سنوات البيسك كانت ممتعة جدًا خصوصا مع بداية دراستنا للأمراض وبداية الاوسكي وكيف كنا نتدرب في غرف المحاكاة ونطبق وقت الاختبار على ناس مو جمادات فعلا كنا نحس نفسنا دكاترة .
ولكن ! صراحة كان ضغط بسبب ان يكون الميد قريب جدًا يعني مثلا أنا أبدا البلوك الجهاز الهضمي اسبوع رقم ١ ، اسبوع رقم ٣ يكون الميد
فهنا كنا نطبق قاعدة (كل يوم بيومه) نحاول نضغط نفسنا ونذاكر كل محاضرات اليوم بيومه عشان ما يتراكم .
وايضًا بصراحة تامة كان ضغط بسبب المواد الحرة ومتطلباتها من واجبات و ابحاث وريبورتات وغيره .
فالواحد هنا شوي يضيع يركز على ايش بالضبط ؟ لان المواد الاساسية تكون عليها ٥-٦ ساعات ولكن الحرة عليها ساعة او ساعتين . ومع ذلك الدكتور يعطيك عدد محترم من المتطلبات اللي من الممكن تروّح الوقت عليك وما تقدر تلم المنهج للمادة الاساسية
ولكن نقطة مهمة جدا : من وجهة نظري سنوات البيسك معلومتها نوعا ماكثيرة ولكن سهل مذاكرتها وفهمها .
الكلينيكال :
هنا التركيز راح يكون على الكورس نفسه
مثلا ( طب الاطفال ) مع ( الطب الشرعي ) للترم الاول ( ملاحظة احنا ٣ اترام )
وماراح يكون فيه مادة حرة ولا اي متطلبات غير متطلبات الكورس نفسه،والاختبار مدته ابعد يعني الكورس يبدأ أسبوع رقم ١ ، الميد اسبوع رقم ٦ او ٧ ففيه متسع من الوقت للمذاكرة والمتطلبات امانة مو كثيرة
واهم شيء وأحلى شيء حقيقي اللي هو : روحة المستشفى وكيف كنا يوم ندرس ويومين نروح المستشفى نطبق ونتعلم على مرضى حقيقيين بحيث المعلومه تثبت ونتعود على اجواء المستشفى
ولكن حقيقة المعلومات أدسم ضعف الضعف من البيسك يعني ممكن فياليوم تأخذوا ثلاث محاضرات حقت اسبوع من البيسك .
ثالثا : المنهجية
سنوات البيسك باختصار كانت من ضمنها مواد (الاناتومي - الفيسيولوجي - البايوكيمستري -الفارما ) وغيرها من المواد اللي احتجنا وقت اطول عشان نفهمها .
في حين البيسك ماعاد فيه شيء اسمه فيسيولوجي لحال وبايوكيم لحال ، خلاص كل شيء مع بعض
نقطة مهمة : تركيز الدكاترة في البيسك على انكم تعرفوا المرض وكيف صار (pathophysiology ) والأعراض لكن في الكلينكل لا ! ، المطلوب منكم تعرفوا كل شيء حتى طرق التشخيص بانواعها وطرق العلاج بانواعها وكل مرض ايش الdifferentialdiagnoses التابعه له
نصيحتي :
انا عارفة اكيد مافي احد ما يجتهد ويسوي اللي يقدر عليه ولكن حاولوا قدر المستطاع انكم تفهموا الاساسيات وتحفظوها كويس ، لأن في الكلينك راح يتوقعون منكم انكم عارفينها وراح يمروا عليها مرور الكرام ، وممكن حتى اذا سألتوا عنها يقولك الدكتور انت ما تأسست كويس او ارجع للمحاضرات السابقة وافهمها .
في بداية دراستي لسنة رابع صراحة عانينا انا وزميلاتي من هذه النقطة فبدل ما كنا نذاكر المطلوب مننا ،كنا نرجع للمحاضرات للسنوات السابقة ونحاول نفهمها ونستوعبها وبعدين نرجع برضو ونفهم المحاضرة اللي عندنا، وترى هذا شيء متوقع وطبيعي نظرا لكمية ودسامة المعلومات على مر السنوات ، فلا تخلوا شيء يحبطكم وتحسوا انكم جالسين تضيعوا وقت ، ترى كثرة تكرار المعلومة على مدار سنوات الطب بتثبت ، ان ما ثبتت فيالبيسك بتثبت في الكلينكل .
وما ننسى ان لكل انسان تجربته الفريدة في رحلته بالطب وهذه كانت تجربتي ، اتمنى اني قدرت اوصل الفروقات . واسأل الله لنا ولكم كل النجاح و التوفيق
كتابة : مروة مغربي تصميم: إسراء متولي