سنة جديدة تدخل ومعها شعور إن في فرصة جديدة حتى لو ما كنا متأكدين ايش هي بالضبط كثير ناس تفكر إن لازم مع بداية السنة يتغير كل شي مرة وحدة الأفكار العادات وحتى الناس بس الحقيقة إن التغيير ما يجي بهالطريقة
مو مطلوب منك تكون شخص ثاني ولا تحقق كل شي بسرعة المطلوب بس إنك تكون واعي أكثر بخياراتك وبالطريق اللي تمشي فيه
أحيانًا الفائدة تكون بأشياء بسيطة جدًا إنك تصحى وتقرر تهتم بنفسك شوي أكثر إنك ما تقسو على نفسك إذا تأخرت أو غلطت إنك تتعلم تقول لا بدون إحساس بالذنب
الطرق اللي تفيدك فعلًا مو دايمًا هي الأصعب ولا الأكثر تعبًا أحيانًا هي إنك تبعد عن اللي يستهلك طاقتك إنك تختار راحتك مو لأنك أناني بس لأنك إنسان
السنة الجديدة فرصة إنك تمشي على مهلك تسمع لنفسك وتفهم شو يناسبك مو شو متوقع منك الناس تسويه
راح تمر أيام حلوة وأيام ثقيلة وهذا طبيعي المهم إنك ما توقف ولا تفقد ثقتك بنفسك من أول عثرة
مو لازم كل يوم يكون إنجاز كبير أحيانًا إنك تكمل يومك بسلام هذا بحد ذاته إنجاز
خلّي هالسنة تكون سنة هدوء أكثر وسنة قرارات أصدق وسنة تعطي فيها لنفسك حقها
وبالنهاية تذكّر إن الطريق مو مستقيم دايمًا بس طالما إنت ماشي بإرادتك فهذا لحاله كفاية
تصميم : في جبران