شوفوا مرحلة الفاينلز مو سباق ولا هي “أكثر واحدة تسهر”
هي مرحلة تبينين فيها شغلك طول الترم، فخلّي شغلك يمشي معك بهدوء.
أول شي… رتّبي نفسك
قبل لا تمسكين الكتاب، خذي 10 دقايق وقولي:
“أنا وش لازم أخلص اليوم؟ وش أهم شي فعليًا؟”
لو ما عرفتي وش تبين تخلصين، غالبًا بتضيعين نص الوقت على صفحات ما تحتاجينها.
ابدئي بالأساسيات
والله ما في شي ينفعك مثل أنك تخلصين السلايدات والـ key points أول.
هذي اللي تتبنّى عليها الأسئلة لا تروحين للكتب الكبيرة إلا إذا شي مو واضح.
ذاكري بطريقة تخليك تذكّرين نفسك
مو تقرين وتسوين نفسك فاهمة
اسألي نفسك:
“لو جاني هذا سؤال شفهياً… وش أقول؟”
الـ Active Recall أقوى شي، جربيه يوم واحد وبتشوفين الفرق.
خذي بريكات بدون إحساس بالذنب
الدماغ يحتاجك توقفين 5–10 دقايق عشان يرجع يشتغل صح.
مو معناته أنك مهمِلة… بالعكس، هذا الشي اللي يساعدك تكملين بنفس طويل.
خفّفي الضجة حولك
خلاص، قبل الفاينل بشوي…
قلّيلي الجوال، قلّلي القروبات، وابتعدي عن اللي يربّكونك بأسئلة “درستي؟ وش أخذتوا؟ وش ممكن يجي؟”
ترى هذا أقوى مصدر توتر.
نامي عدل
لا والله… النوم مو رفاهية قبل الفاينل.
المخ وهو صاحي يذاكر، لكن وهو نايم يثبّت كل شي
قومي الصبح وإنتي صاحية ومزاجك مرتاح.
لحظة الدخول للقاعة… هدّي
رتّبي نفسك، اقرئي الأسئلة كلها بسرعة، وابدئي بالأسهل.
السهولة تعطيك ثقة… والثقة ترفع مستواك في الأسئلة الأصعب.
تصميم : في جبران